Politiques

Se gwo lajan ki voye Jean Henry Céant ale

Se gwo lajan ki voye Jean Henry Céant ale

Ayisyen, pran ti chèz ba w vin pran koze

Gen bagay ki kòmanse pale nan zafè revokasyon Premye Minis Jean Henry Céant. Nan yon gwo fèt ki fèt yèswa kay yon Depite, gen yonn nan yo ki sou e ki tonbe rakonte koze.

Men sa ki te pase pou Céant tonbe:

Gary Bodeau te anonse Céant ke lap jete l kan menm paske lè Bodeau te tande Céant gen kòb nan menl pou desanm lan, Gary tal chèche pa l tou. Gary te di Céant fòk majorite kòb la pase nan SNGRS, kote se yon bon jwè Gary ki rele Anel Bruno ki direktè. Malerezman, kòb la pat nan men Céant se nan men Minis Enteryè a, Reynaldo Brunet, li te ye. Li pat jwenn kòb pou bay Bodeau. Se la pwoblèm Bodeau ak Céant kòmanse.

Aprè peyi lòk la, Jovenel te lage 2 gidon nan kò Céant poul demisyone. Li pat janm vle fè sa. Prezidan an tap aranje l ak kèk depite tankou Alfredo Antoine e Cholzer Chancy pou chèche yon majorite pou koupe tèt Céant. Kèk jou pase epi Jovenel tande Senatè yo entèpele Céant, paske se senatè opozisyon ki fè entepelasyon an Jovenel pat kwè ladanl. Li panse se ak Depite yo pou l jwe.

Nan menm moman sa, Gary Bodeau debake kay Jovenel pou lal dil fòk yo pa kite senatè yo fè seyans yo a. Jovenel te sòti poul neglije Gary epi poul avanse ak Cholzer et Alfredo sèlman. Men Gary pi entelijan, li menase Jovenel poul mete dosye «mise en accusation »an sou tab la. Jovenel tranble tankou fèy bwa e li deside negosye ak Gary Bodeau.

Men sa Gary Bodeau pran nan men Jovenel:

* 170 milyon goud nan Bidjè Edikasyon Nasyonal. Se minis Agenor Cadet ki te gen misyon pou rankontre Gary Bodeau nan yon chanm nan otèl Oasis pou remèt kòb la.
* 98 milyon goud nan Bidjè Ministè Sante. Kòb sa al jwenn Gary Bodeau lakay li, nan yon anbilans.
* 59 000 sak diri. 20 000 sòti nan depo Bongù kay Reynold Deeb. 39 000 sòti nan BMPAD, nan diri Taïwan ak Japon te bay la.
* 1250 moto ke Steeve Kawly ak Deeb bay. Chak depite jwenn 10 moto, gen 17 senatè ki jwenn tou.

Men ki kategori moun ki jwenn lajan swa pou atake Céant swa pou anpeche gen manifèstasyon pandan ou aprè vòt la:

* Gabriel Fortuné te gen 14 milyon goud nan menl poul jere baz li;
* Joseph Lambert te gen 23 milyon goud pou te jere medya pou choute sou Céant;
* Rony Celestin te jwenn 9 milyon goud poul deplase kite seyans lan;
* Valéry Numa te jwenn 5 milyon goud pou atake Céant ak 150 sak diri;
* Guerrier Henry te jwenn 700 000 goud pou kraze Céant;
* Louco Désir te jwenn 1 milyon goud;
* Patrick Moussignac te jwenn 14 milyon goud;
* Gary Pierre Paul Charles jwenn 7 milyon goud, 15 moto ak 1000 sak diri;
* Claudy Garssant jwenn 2 milyon goud
* Jovenel voye 3 milyon goud bay Mirlande Manigat aprèl fin kraze Céant;

Tout moun fè kòb. Palmantè ki te vini fè kòb, sila ki pat vin fè kòb. Tout moun jwenn. Sèl pèp la ki pa jwenn anyen.

Sak pi rèd la, anpil nan kòb sa yo se nan Ministè Edikasyon Nasyonal ak nan Ministè Sante piblik ke Jovenel retire kòb sa yo. Epi se tout jounen profesè ap plenyen di yo paka touche, medsen paka touche epi Jovenel pran kòb poul voye yon premye minis ale.

Nan dat 28 mas la, nap desann an mas pou nal di Jovenel: «Mèsi paske l voye vòlè parèy li a ale, konnya nou pral mache pranl poun bay yon vòt non konfyans » e fwa sa ap gen kowòm paske pèp la bouke ak Jovenel.

28 mas, nou pral fin chavire chodyè a. Jovenel pran kòb pèp la pou regle zafèl. Nou pral mande l explikasyon.

Related posts

Jean Michel lapin actuel 1er ministre par intérim.

Odelson

LA CLASSE MOYENNE HAÏTIENNE N’EXISTE QUE SUR TWITTER ET FACEBOOK

Odelson

CNN vient de parler des manifestations qui se déroulent actuellement en Haïti

Odelson

Leave a Comment